Mouse Without Borders

                      Mouse Without Borders

سرحدوں سے آزاد ماؤس

ماؤس وِد آؤٹ بارڈرز‘‘ ایسا سافٹ ویئر ہے جو آپ کو ایک ماؤس اور کی بورڈ سے ایک ہی نیٹ ورک پر موجود چار کمپیوٹرز سنبھالنے کی سہولت دیتا ہے۔ یعنی اگر آپ ایک وقت میں ایک سے زائد کمپیوٹرز استعمال کرتے ہیں تو یقیناً آپ کو ہر کمپیوٹر کے لیے الگ سے ماؤس اور کی بورڈ استعمال کرنا پڑے گا۔ لیکن اگر آپ کے پاس یہ سافٹ ویئر انسٹال ہے تو آپ کا ماؤس کرسر ایک مونیٹر کی اسکرین ختم ہوتے ہی دوسرے مونیٹر پر چلا جائے گا۔

یہی نہیں آپ ایک کمپیوٹر سے ٹیکسٹ کاپی کر کے دوسرے میں پیسٹ کر سکتے ہیں اور فائلز بھی ڈریگ کرتے ہوئے منتقل کر سکتے ہیں۔ اس چھوٹے سے جادوئی سافٹ ویئر کو استعمال کرتے ہوئے پتا ہی نہیں چلتا کہ آپ ایک کمپیوٹر استعمال کر رہے ہیں یا دو۔ مائیکروسافٹ کی جانب سے مفت دستیاب اس سافٹ ویئر کا سائز فقط ایک ایم بی ہے۔ اس کی کنفیگریشن بھی بہت آسان ہے۔ ضروری ہے کہ جن کمپیوٹرز کو کنیکٹ کرنا ہو ان پر یہ سافٹ ویئر انسٹال ہو۔ سب پر انسٹالیشن کے بعد ایک سسٹم کے ذریعے دوسرے سسٹمز کے آئی پی ایڈریسز اور ایڈمن یوزر کے اختیارات کی مدد سے سسٹمز کو کنیکٹ کیا جاتا ہے۔